Mjölnir og Hnefaleikafélag Reykjavíkur kynna nýtt námskeið, BOX 101. Námskeiðið hefst mánudaginn 5. september og stendur í tvo mánuði. Næsta námskeið hefst svo um leið og því fyrsta lýkur, eða á tveggja mánaða fresti.
Farið verður í grunnatriði í ólympískum hnefaleikum; helstu árásir, varnir, fótaburð, hvernig á að æfa sig með box og fókus-púðum og margt fleira.
Verð á námskeiðið er það sama og á Mjölnir 101, eða 17.900.
Æfingar eru mánudaga, miðvikudaga og föstudaga kl 19:00 í glæsilegum ný-innréttuðum box sal í Seljavegi 2 (húsnæði Mjölnis), en þar er Hnefaleikafélagið vera með aðstöðu sína.

Þjálfarar á námskeiðinu verða margir af færustu hnefaleikurum landsins og íslandsmeistarar úr röðum Hnefaleikafélags Reykjavíkur.
Skráning á mjolnir@mjolnir.is

Eins og glöggir aðilar hafa tekið eftir þá er Hnefaleikafélag Reykjavíkur að flytja.

Mun stundatafla breytast í kjölfarið ásamt húsnæði.

Við förum þó ekki langt, heldur verðum við í húsnæði loftkastalans, Seljavegi 2, 101 Reykjavík.

Verður ný dagskrá kynnt í vikunni.

Þá er Íslandsmeistaramótinu í hnefaleikum 2011 lokið. Undanúrslitin fóru fram í húsnæði HFH að Dalshrauni 10 laugardaginn 16 apríl. Vegna mikils fjölda keppenda þurfti að keppa tvisvar í sumum þyngdarflokkum. Fyrri viðureignirnar voru kl. 14 og voru þær 5 samtals í þremur þyngdarflokkum. Seinni viðureignirnar fóru síðan fram kl. 20.00 og voru þær 8 samtals í 5 þyngdarflokkum. Úrslitin fóru síðan fram á Broadway síðasta vetrardag 20. apríl, þar voru 13 viðureignir í 12 þyngdarflokkum og ein brons viðureign. Óhætt er að segja að mikil spenna hafi verið á úrslitakvöldinu sem og á undanúrslitunum og gríðarleg stemming í húsinu. Kepptar voru alls 26 viðureignir á Íslandsmeistaramótinu núna og er óhætt að segja að ekki hafa verið eins margar viðureignir á Íslandsmeistaramóti síðan 2006. Við hjá H.R erum nokkuð sáttir með okkar útkomu á mótinu en við unnum 5 gull, 6 silfur og 3 brons. Viljum við þakka okkar keppendum sem og keppendum annara félaga fyrir skemtilegt mót.

Við fengum eins og í fyrra ljósmyndarann Arnþór Birkisson til að taka myndir af keppendum og síðan á kvöldinu sjálfu og skilaði hann nú eins og í fyrra frábærum myndum sem sóma sér vel í minningarbankanum. Ég setti 360 myndir frá honum af viðureignunum á Broadway á flickr og er linkur á þær hér.

Myndir frá Broadway

Íslandsmeistaramótið í hnefaleikum verður haldið á BROADWAY miðvikudaginn 20 apríl (síðasta vetrardag) kl. 20.00, húsið opnar kl. 19.00.
Keppt verður í 12 þyngdarflokkum og í þremur þeirra verður einnig keppt um brons. Kvetjum við alla boxáhugamenn og konur til að mæta á Broadway og kvetja menn/konur, búast má við gríðarlegri stemmningu og grimmum viðureignum.

Aðgangseyrir verður kr. 1500

Á laugardaginn var voru haldin undanúrslit Íslandsmeistaramótsins í hnefaleikum. Keppnin var haldin í húsnæði H.F.H að Dalshrauni 10. Vegna fjölda keppenda í sumum þyngdarflokkum varð að keppa tvisvar yfir daginn, undankeppnin hófst kl. 14.00 og voru viðureignir 5 í þremur þyngdarflokkum en sjálf undanúrslitin fóru síðan fram kl. 20.00 og og voru viðureignir þar 8 í 5 þyngdarflokkum. Gríðarleg stemming myndaðist enda margir sterkir einstaklingar að eigast við

Set hér inn að gamni trailer sem Rúv gerði og mun sýna hjá sér til að kynna keppnina.

Undankeppnin fer fram í húsnæði Hnefaleikafélags Hafnarfjarðar laugardaginn 16 apríl. Vegna fjölda þáttakenda í sumum þyngdarflokkum verður að keppa 2 á laugardeginum. Fyrri viðureignirnar hefjast kl. 14.00 en þær síðari kl. 20.00 aðgangur verður frír og kvetjum við alla til að mæta og styðja sitt fólk.

Úrslitakvöldið mun síðan fara fram á Broadway miðvikudaginn 20. apríl kl.20.00 en húsið kemur til með að opna kl. 19.00 aðgangseyrir mun vera kr.1500

Glæsilegt kvöld hjá CCP í Laugardalshöll og heppnaðist í alla staði frábærlega. Við H.R ingar erum mjög ánægðir með að hafa aðstoðað við uppsetningu þessa viðburðar. Gaman að sjá nýjan vinkil á sportinu.

Þá fer Íslandsmeistaramótið í hnefaleikum að bresta á, það hafa skráð sig 41 keppendur til keppni í ár. Frá H. R eru 18 keppendur og verður spennandi að sjá hvernig þeim gengur. Búast má við nokkrum bardögum í sumum þyngdarflokkum en nánari fréttir frá H.N.Í koma vonandi fljótlega. Úrslitakeppnin verður haldin á Broadway 20 apríl næstkomandi kl.20 en húsið opnar að öllum líkindum kl. 19.00, vonast ég til að H.R og Mjölnisfólk fjölmenni á svæðið og hvetji sitt fólk. Ég hef frétt að undankeppnirnar verði haldnar í húsnæði Hnefaleikafélags Hafnarfjarðar að Dalshrauni 10, 16 apríl næstkomandi en við eigum eftir að fá nánari fréttir af því og munum við birta þær strax og þær berast.